Daily Newspaper

USAM hruaitute’n CM hmu

30

Nimin khan United Sports Association of Mizoram (USAM) chuan chief minister Zoram-thanga chu a office-ah hmuin, sports lama Mizoram hmasawnna tur hrang hrang ruahmanna an neihte an thlen.

USAM chuan Mizo-rama district hrang hrang-ah District Sports Office thuthmun neih vek chu sports hmasawnna tura bul pawimawh tak a nih thu an thlen a, chief minis-ter chuan a theih ang anga a tahtawla siam zel a nih tur thu a sawi.

Kum 1976 atanga din tawh Mizoram State Sports Council-in vawiin thlenga mahni puala building a la nei lo leh mi in luah hawha an awm reng mai chu pawi an tih thu sawiin, sports minister Robert Romawia Royte hnenah pawh hemi chungchang hi an thlen tawh thu USAM chuan an sawi a, hma lo lakpui a tiam avanga lawmthu sawi chungin muang-chang loa office sak a nih ngei theih nan CM hnen-ah hian an thlen bawk.

Kum 2019-ah India ram state lian zawkte pawhina an buatsaih hleih theih loh State Games hlawhtling tak huaihawt a ni tawh a, hei hi chawlh-san mai lova kum khat dan emaw kum hnih danah emaw tal buatsaih a nih theihna’na hma lakpui turin chief minister hi an sawm a; Mizoram sports hmasawnna tura pawimawh tak pakhat Seminar on Sports Development in Mizoram chu August 19-21, 2020 chhungin Aijal Club-ah huaihawt an tum a, chief minister chu khuallian atan USAM hian an sawm nghal.

Zoramthanga chuan covid-19 avangin hma-lakna tura ruahmanna tam tak an neihte kalpui hleih theih a nih loh thu sawiin, USAM-in ma-mawh leh harsatna an thlente hrileng kian hunah chak taka bawh-zui sak a tiam.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy