Daily Newspaper

Vaccine Nationalism lakah fimkhur ngai

15

United Nations Secretary-General Antonio Guterres chuan vaccine nationalism (mahni ram chauh ngaihtuaha vaccine neih tum) chu chak taka kalpui mek a nih thu sawiin ram hausa tena vaccine inpek kalpui an tum laiin mirethei te chu thlauhthlak an ni tiin a sawi.

UN chief chuan vaccine chu ‘khawvel mipuite bungrua’ anga ngaih a tul thu sawiin mitin tan, khawvel hmun tina awm a bik takin Africa a mi te tan pawha pek ngai a nih thu a sawi bawk a.

Hei vang hian thla hnih chhungin World Health Organisation-in a kalpui COVAX programme ah $4.2 billion mamawh a nih thu sawiin chu chu khawvel mirethei ber ber te vaccine pekna tur a nih thu a sawi.

African Union te nena UN-in virtual meeting an neihnaah Guterres chuan COVAX chu Africa leh ram thanglai mek mipui tena vaccine an neih theih nana kawng awm chhun tiin a sawi bawk.

WHO chief Tedros Adhanom Ghebreyesus chuan kar kaltaa high-level UN General Assembly meeting neihnaah pandemic-in tawp lam hmel a hmuh tan thu a sawi a. Mahse, vaccine te chu khawvel bungrua anga ngaia insemtlan a ngaih thu sawiin mimal bungrua anga ngaih a nih chuan intluktlan lohna nasa tak thlengin mi thekhatte thlauhthlak an nih mai tur thu a sawi bawk.

Tedros chuan WHO in a kalpui sum nei tawh lo ACT-Accelerator programme te chu tihchak vat ngaiin vaccine fel fai taka sem darh a nih theih nana pawimawh a nih thu a sawi bawk.

COVAX chuan kum 2021 ah sum $ 23.9 billion a mamawh belh tur thu sawiin $ 28 billion chu Group of 20 ram tena $ 11 trillion stimulus package an kalpui atanga chhutin zaa pakhat pawh a tlin loh thu a sawi bawk.

United Kingdom leh Russia te chuan an mipuite hnenah a nawlpuiin vaccine an pe chhuak tan tawh a. United States pawhin Pfizer vaccine chu a hman zui mai tura ngaih niin Moderna vaccine pawh a pawm dawna ngaih a ni bawk a. Canada pawhin nilaini khan Pfizer vaccine a pawm zui tawh bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy