Site icon The Aizawl Post

Vaihlo an dap

Ruihhlo leh a kaihhnawih hrang hrang laka India ram a fihlim theihna’na sawrkar laipui Ministry of Social Justice & Empowerment leh Mizoram State Social Defence & Rehabilitation Board tangdun hnuaia National Action Plan for Drug Demand Reduction (NAPDDR) hmalakna, ‘Nasha Mukh Bharat- Drug Free India Campaign’ kalpuitu District Level Nasha Mukt Bharat Abhiyaan (NMBA) Committee, undivided Champhai district hnuaia Sub-Commitee chuan meeting thurel bawhzuiin hma a la mek.

Vaihhlo leh a kaihhnawih hman khawloh, zawrh leh dapchhuah kawnga hma la tura din, Sale of Tobacco & Cigarettee Monitoring Team member-te chu Thawhtanni khan an thukhawm a. Vaihhlo leh a kaihhnawih zuarte enfiahna leh zirna in hnaivaia zawrh a ni em, tih enfiahna thlatin vawikhat tal neih nise an ti. Veivahna kawnga senso ngai leh buaipui tulte sawi ho a ni bawk.

Thurel bawhzuiin Thawhtanni vek khan vantlang hmuna meizuk phal lohna dan – Cigarettes and Other Tobacco Products Act 2003 Sec.4 6b zawm a nih leh nih loh an endik a. Govt. GM High School leh Govt. Primary School-I te an tlawh. School chhehvela dawr siamte endikin inhrilhhriatna leaflet pein a remchan dan angin awareness campaign neih nghal a ni.

NMBA Committee bultumin January 28 khan Champhai Dinthar Vengah health camp buatsaih a ni a, mi 32 en an ni a, in lama damlo pakhat tlawha enkawlna pek a ni bawk.

Drug Free India Campaign hnuaiah hian India rama district 272 ah ruihhlo do hmalakna kalpui hmasak a ni a. Nikum August khan district 100 dang telh belh a ni. Aizawl, Kolasib leh Champhai district chu Mizoram atanga he campaign kalpuina an ni.

Exit mobile version