ily Welfare chuan 2024 May 31 hian ‘Vaihlo Dona Ni’ denchhenin zirna in zawng zawng chu vaihlo leh vaihlo atanga thil siam laka him leh fihlim (tobacco free educational institution) a puang turin state zawng zawng a ti a. Hemi bawhzui hian Mizoram State Anti-Tobacco Day pualin state chhunga zirna in hrang hranga zirtirtute tan an hriat tur inhrilh a ni.
Kum 2014 atang khan Mizoram State Anti-Tobacco Day hi September 11-ah kumtin thupui thlan bik neiin hman tan a ni a. Kuminah chuan “Towards 100% Tobacco Free Educational Institution” tih hmanga hun hman a ni.
Ministry lamin a phut angin, engtin nge Mizorama zirna in hrang hrang chu tobacco free educational institution a nih theih ang tih chu inkaihhruaina an duansa hmangin zirho a ni. Higher & Technical Education department nen pawh hemi chungchangah tho hian an lo thukhawm tawh a, department pahnih hnuaia zirna in hrang hrangten sawrkar thu chhuah tawh te zawm a, zaah zaa tobacco free educational institution-a Mizoram puan theihna tura mawhphurtuten hma la chhunzawm zel turin an ngen a ni.
Zirtirtute tana training buatsaihah hian National Tobacco Control Programme state nodal officer Dr H Lianthangpuia kaihhruaiin hman a ni a. School Education director Lalsangliana chuan tobacco free educational institution siam tura zirtirtute mawhphurhna leh tangrual taka inhrilhhriatna tha zawk neih a pawimawh tih a sawi.
Zirna ina principal-te leh zirtirtu association hrang hrang bakah Education department-a hotute an tel a ni. District hrang hrangah pawh thupui hmun hmang hian programme neih a ni bawk.
Vaihlo laka zirna in a fihlim theihnan tan la
