Daily Newspaper

Vairengte-ah screening point siambelh rawt

25

Covid-19 laka himna tura state sawrkarin Vairengte-a Rapid Antigen Test tihna tur screening point a siam chu thawktu indaihlohna leh a hmunhma in a zawh loh avangin a dang siambelh turin sawrkar an phut tih National Students’ Union of India: Mizoram State chuan an sawi.

NSUI (Mz) thuchhuak chuan, Vairengte screening point-ah RAgT titu tur laboratory technician an indaih loh avangin driver-te test zung zung theih loh chuan lirthei tangkhang a tih tam phahin an inhnawhtawt nasa a, lirthei dang tan pawh veivah harsa khawpin lirthei tangkhang ding a tam niin a sawi.

‘Hei vang hian nitin mamawh eichawp leh bungrua tam tak pawh duh angin a rawn lut zung zung thei lo a. He harsatna hi hria a, Vairengte-ah screening point siambelh thuai turin Mizoram sawrkar kan ngen a ni,’ a ti.

Hrileng darh zual zel loh nana Mizoram mipui himna atana ramri lama thawk mek, official-te leh tlawmngai pawlte hmalakna leh mamawh an neih bungrua leh sum leh pai enpuia hma latu tur, thuneitu sang tak sawrkarin ruat thai se an duh tih a sawi bawk.

September 12 zana oil tanker driver-te kutthlak chungchanga Mizoram Oil Tanker Driver Association-in Dholai P/S-a FIR an thehluh chu NSUI (Mz) chuan a vil reng dawn tih sawiin, Assam sawrkar thuneitute hnenah pawh kutthlaktute man chhuah an nih ngei theih nan hma an la zel dawn tih a sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy