Daily Newspaper

Vairengte naupang bo hmu

12

Vairengte naupang bo Lalsiamthara, kum hnih leh thla 6 mi ruang chu nimin, November 17 chawhnu dar 1:00 vel khan amah an hmuhna hnuhnung ber nia an sawi atanga km.5 vela hla Tuidaikhur luia li-ah a ruang hmuh a ni. November 11 zing dar 7 vel atanga a chin hriat loh Lalsiamthara hi a pa nena chhuak an ni a, a pa hian Vairengte leh Cachar inrina bulah a kalsan lawk a, naupang dang kutah a dah nia sawi a ni. Naupang dang hian a kalsan ve leh nia sawi a ni a, a chin hriat zui ni ta lo a ni. Mizo danah ni 7 chhung an zawn tawpna tur chu nimin, November 17 kha a ni a, Vairengte leh khaw thenawmte bo zawng hian an thawkchhuak leh a, a ruang hi hmuh a ni ta a ni. Thudawn danin a taksa lang thei chinah hliam hnuhma emaw mihring kut thlakna emaw a awm lo a, ruang an hmuhna hi theih ang tawk chuan mi nawlpui kal theih loh tura vawnhim nghal niin, forensic expert-te pawhin nimin khan Vairengte hi an pan nghal a, a ruang post mortem a nih hnuah vui a ni ang. Hemi chungchangah hian police chuan thil awmdan an chhuizui mek zel nia thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy