Youngfella a tel tawh chuan hit turah ngai ila, tunlai boruakah na na na chuan kan ring sual lo tlangpui, chutiang bawkin Zaii Hauchhum pawh a ni. An pahniha inkawp leh YouTube lama en hlawh tak Elza TV te tawk ho chu an boruak a lian lo thei lo, an music video thar ‘Val senior (min pu lo)’-in Mizo music video-a YouTube-a vawi maktaduai en hlawh rang thei ber record a siam pawh hia mak lo ve.
Youngfella ‘Val senior (min phu lo)’ featuring Zaii Hauchhum & Elza TV chuan YouTube-a an upload atanga ni nga chhunginvawi maktaduai en a hlawh hman a, Mizo music video-ah chuan YouTube-a vawi maktaduai en hlawh rang thei ber a la ni. Rebecca Lallawmsangi ‘Kan Khua’ music video khan ni sarih chunga vawi maktaduai en hlawh theiin 2020 khan record a rawn siam a, he record hi Youngfella x Rebecca ‘Hriat ka duh’ music video-in rawn khumin, ni ruk chhungin vawi maktaduai en a hlawh thei a, tunah Youngfella, Zaii Hauchhum & Elza TV-in record tar a rawn siam leh ta a ni.
He hla hi Youngfella phuah a ni a, Smiley produce a ni ve thung. A hlaah hian Zaii Hauchhum rap part kan hmu tlat mai. Zaii zai theih zia leh a performance hmuhnawm thin zia chu kan hre vek tawh, mahse, rap lam a talent neih tel erawh kan hriat vawi khatna a ni a, a talent hi a satliah lo riau lehnghal.
Zaii chuan, “Rap hi ka tui lutuk, phuah pawh ka phuah ve nual tawh, mahse, ka perform ngam ngai lo, ka zak a,” a ti. Tunah chuan a theihna a pho chhuak tawh a, Zaii rap dang pawh kan la hmuh belh zel ngeiin a rinawm.
‘Val senior (min phu lo)’-in record a siam
