Vanduaina thlengah pathum thi
March 13 khan hmun hniha vanduaina thlengah mi pathum an thi a, pahnih hi naupang an ni.
Thudawn danin, Ningani chhun khan Lalruathlui Tochhawng (4) d/o Vanlalmuanpuia Tochhawng, Lengpui chu a awmna chi hriat a ni loa, darkar khat vel an zawn hnu, an bula tuizem chu a awm beidawn zawnna lamah dap telin hetah hian an hmu ta tih sawi a ni.
Lalruathlui tlakna tuizem hi a chhin siam tawh a ni a, a chhin dahna a duh tawk loh avangin siamthat a ni a, tuizem hi hmanraw hlui hmanga chhin mai niin, hei hi a rap sual palh anga, a tla ta nia ngaih a ni. Tuizemah hian tui feet 5 vela a tling tih sawi a ni.
Ningani chawhma dar 10.00 vel khan Lunglei district-a Belthei khuaah retaining wall siamna tur laiha kopang chimin, mi pahnih a delhhlum.
Thudawn danin, kopang chim hian Zothanmawia (13) s/o Cheuva leh Vanmawia (29) s/o Lallawma, Belthei khua ve ve chu a delhhlum a; lei min laia lo awm ve tho Lalrinawma (27) s/o Lalrinsanga Belthei erawh hliam na lutuk tuar loin chhanchhuah a ni.
Vanduaina thlengah pathum thi
