Daily Newspaper

VAR thutlukna dik lo pathum

37

Ninga zan khan English Premier League-ah inkhel pathum a awm a, hen inkhel pathumah hian VAR chuan thutlukna dik lo a siam vek a. United leh Southampton in an hlawkpui laiin Tottenham in an tuar ve hle thung.

Ninga zan hian Manchester United chuan table mawng ber dawttu luah mek Aston Villa an hmachhawn a, si thum faiin hnehna an chang. An goal khatna hi penalty atanga Bruno Fernandes thun a ni. He penalty hi Video Assistant Referee (VAR) thutlukna siam a ni a, uluk zawka en a nih hnuin VAR hian thutlukna a siam sual a, penalty pekna tur a lo ni lo. Fernades hian box chhunga Ezri Konsa a rap a, an pahnihin an tlu. A nihna takah chuan Fernandes hi foul zawk a ni a, referee Jon Moss chuan United penalty a pe ta hlauh zawk. Moss thulukna mak tak hi VAR chuan a lo pawmpui ve leh zel a, United in an hlawkpui ta a ni.

United penalty hlawhchhuah hi an si nghak ropui ni thin Peter Schmeichel pawhin penalty a nih loh zia a tarlang ve nghal a. Peter Schmeichel chuan, “VAR a nuihzatthlak zui zel e” a ti zui hlak bawk.

Southampton chuan an mualah Everton an mikhual a, 1-1 in an inhnehtawk. He inkhelah hian Saints hian awmang lo takin penalty an hlawhchhuak a, James Ward-Prowse chuan goal bar pet perin goal a thun lo hlauh thung. Saints penalty hlawhchhuah pawh hi VAR thutlukna a ni a, mahse thutlukna a lo siamsual tho bawk.

United leh Sout-hampton in awmang lo taka penalty an hlawh-chhuah laiin Tottenham chuan penalty hlawhch-huahna ngei turah penalty an hlawhchhuak lo ve tlat thung a, VAR tihsual tho a ni. AFC Bournemouth player Joshua King chuan box chhungah Harry Kane a titlu a, Kane hian penalty hlawhchhuak ngei ngei tur a nih laiin VAR chuan thutlukna a siam a, penalty a pe chuang tlat lo. Spurs hi khhualmualah an chak zawh loh phah nghe nghe a, an tan chuan penalty an hmu lo hi a uiawm leh zual hle ngei ang.

VAR thutlukna siam sual pathumte hi football a tawnhriat ngah tak tak mi hrang hrangin an sawisel zui nasa hlawm hle.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy