Daily Newspaper

Vawi 89 chak tling Hamilton

12

Pathianni Belgian Grand Prix hnehtu Mercedes driver Lewis Hamilton chuan kumin Formula One intlansiak vawisarih awm tawhah vawing^ hnehna changin, a career-ah grand prix hnehna tum 89 tehreng a chang tling ta a, chak ngun ber Michael Schumacher-a all-time record tluk turin vawihnih chiah chak a mamawh tawh a, Schumi world title vawisarih l^k tawh tluk turin kawng dik a zawh leh m>k bawk.

Briton hian Belgium ram intlansiakah a tir atanga a tawp thlengin race a thunun nghet hmiah a, driver championship standing lama amah hnaihbertu Red Bull driver Max Verstappen lakah point 47 mgawtin hm^ a hruaif^l tawh a, title la tam record dinglai chu a nihrualpui phawt nge nge dawn niin a lang zui zel rih.

Mercedes AMG Petronas Motorsport driver Hamilton hian a team-mate Valtteri Bottas a hmakhalh a, Belgium tlankawngah Mercedes one-two hmuh tur awm lehin, podium lawn thei hnuhnungber chu Verstappen a ni.

Pathianni grand prix tlan tan hm^in Lewis Hamilton
chuan kum 43 mi chauh nia cancer vanga thi ta actor Chadwick Boseman sunna hun hmangin, intlansiak zawhah superhero movie Black Panther changtupa chu a hnehna chan a hlan nghal.

Intlansiak hnuhnung paruka vawinga chak tling Hamilton hian Inrinni qualifying-ah Bottas hmakhalh chang changin pole position a luah thei hram a; Spa tlankawngah erawh an tlan-chhuah atanga race tawp thlengin a chungnun tluanchhuak a, season a thunun hneh chho bawk a, Formula 1 history thar chu amah kaltlanga ziah hi a la ni nge nge dawn niin a lang.

Valtteri Bottas leh Max Verstappen hmakhalha hnehna a chan hnuah he sport-a mihang driver awmchhun Hamilton hian kum 35 a tling tawh chungin a racing career-a a tawnsanber hun a la tawngbaw leih leih tih sawiin, “Race awlsam ber chu a ni bik lo. Turn 5-ah harsatna ka tawk hlek a, tyre lamah ngaih-mawh tlem a awm. Kum 35 atanga 36 panna kawng zawh ve tan m>k mah ila tun ang reng renga ka boruak tawn la fuh hi ka hre lo. Boruak a la eng hlein ka hria a, team lakah pawh ka lawm hle a ni,” a ti.

Kartawp hian Italy rama tlankawng hlun leh hmingthang Monza lamah F1 team an fuankhawm zui leh nghal dawn a, Hamilton bawk rinkai ni leh m>kin, Italian team Ferrari chu an ram tlan-kawngah hian Spa ai khan an chechhe zawk thei niawmin media lamin an tarlang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy