Daily Newspaper

Vawk hrileng laka fimkhur turin chah nawn

8

Animal Husbandry & Veterinary Department chuan vawk natna hrileng mek laka Mizoram a him theih nan mipuiin sawrkar thupekte zawm tha turin a chah nawn.

AH & Vety department thuchhuak chuan, Mizoramah kum 2013, 2016 leh 2018 ah te vawk natna chi khat – Porcine Reproductive and Respiratory Syndrome (PRRS) avanga vawk tam tak an thite, khaw thenkhatah phei chuan thlan zau tak laia a hlawm hlawma vawk phum an ni te, PRRS avanga khawchhak vawk lakluh khap a nite, tualchhunga vawk sang tel an thih avanga vawksa ei tur van zia te kha mipuiin an la hriat reng a ring tih a sawi.

Tunah hian vawk pul hri hlauhawm – African Swine Fever (ASF) chu Myanmar leh thenawm state – Assam, Meghalaya leh Arunachal Pradesh ah te leng mekin, vawk tam takin an thihpui tawh thu leh heng state paltlanga vawk phurhte pawh sawrkar laipuiin a khap mek thu te a sawi bawk.

‘He natna hri hi a enkawlna damdawi leh invenna (vaccine) awm lo leh a vei zaa za thihpui theih, ram khata vawk population pawh suatmang vek thei khawpa hlauhawm a nih avangin, Mizoram sawrkar pawhin a ngaipawimawh a, The Prevention and Control of Infectious and Contagious Diseases in Animals Act 2009 tlawhchhanin vawk, vawksa hring leh a rep leh vawksa atanga thilsiam reng reng (frozen pork adt) lakluh khap tlat a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy