Daily Newspaper

Vawk natna luh loh nan duty-te sawipui

9

Mizoram AH & Vety Department hotute chuan tunlai hian ramri dep khaw hrang hrang leh duty-te an tlawhkual a, lawmthu sawina leh puihna an hlan.

AH& Vety Department hotute hi team hnihah an inthen a. Team khat hian Nigani khan Champhai district – Zokhawthar, Melbuk, Ruantlang leh Tlangsam tlawhin, vawiin hian Zote, Ngur, Vapar leh Hnahlan an tlawh ang. Team dang hian Mamit district lamah Kawrthah, Tuidam, Rengdil, Zamuang, Bungthuam leh Kanhmun bakah Kolasib district-a Bairabi, Vairengte leh Saiphai an tlawh a ni.
Vawk natna hlauhawm, Mizorama a luh mai hlauhawm ASF (African Swine Fever), kumin March-a Assam leh Arunachal Pradesh-a leng, vawk sing hnih chuang thih phah ngaihvena ramri hrul khua leh duty-te tlawha fehchhuak an ni a. Khawtlang hruaitute nen inkawmin inhrilhhriatna leh zirtirnate a tul angin an pe a ni.

AH & Vety department chuan vawk leh vawksa lam lakluh leh thawnchhuah khapna thupek chhuah tihhlawhtlin a nih theihna kawnga dan leh thupek kengkawhtute, ramria duty zawng zawngte theihtawp chhuaha venpui turin a ngen tih an sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy