Daily Newspaper

VAWKHNIAHZAWN THLA CHUNGCHANG

325

Lalzuia Colney
9862334371

Mizo thla hming vuah chungchangah ngaihdan inang lo a awm nual a, hei hi tun hma atanga awm a ni a, ram bial bik leh chibil bik pawh ngaihdan hrang a awm thei. Chuvangin, Mizoram sorkar thu angin ngaihdan inang tlang turin ruahmanna siam a ni a, chu chu han sawi ila.

Khawelin a hman ang Gregorian Calender hming kan hmang zel ta a. Chuti chung chuan Mizo thla hming vuah a bo loh nan Calender siamtute pawhin Mizo thla hming an dan hram thin. Chutah pawh chuan inang lo a la awm fo bawk. Chuvangin, Information & Public Relations Department-in fel takin Mizoram parawn tlak leh MUP hruaitute, MHIP hruaitute leh mi rawn tlak deuh deuhte kokhawmin, September 9, 2011 khan I&PR Department Offiee-ah kohkhawm a ni a. Chuta an thutluk dan chu hetiang hi a ni.

Mimkut leh Thitin dah dan pawh a tifel a. Mi thenkhatin Mimkut hi mitthi puala kut a ni tih hre lo ang maiin Mimkut hmaah Thitin an dah lui tlat a, a dikna chu mitthi puala kut zawhah mitthi chu an tin taa ngaih a ni si a. Chuvangin, Thitin chu mitthi pual a tin zawhah (Mimkut zawhah) a awm a ngai a. Chutih lai chuan, Mizoram hmun thenkhatah August chu Thla zing tia an lo hman avangin, August chu Thlazing ni sela, September chu Mimkut ni rawh se, tiin thutlukna siam a ni ta a. Hei hi hman a ni ta a ni.

Hetiang deuh bawk hian July thla hi a hming vuah dan hrang hrang a awm a, Vawkhniakzawn thla, Vawkhniakzawm thla, Vawhhniahzawn thla tihte sawiho a ni a. Hei pawh hi ngun taka sawiho a nih hnuah tuna Sorkar Calender leh Synod pawhin an hman angin VAWKHNIAHZAWN THLA tih hi pass dan a ni ta a ni. Calender siamtu ten anmahni ngaihdan ang anga thla hming an vuah mai hi Mizo inpumkhatna tithentu a nih theih avangin sorkar pawhin a pawm thlap hi hman theuh atan a tha. Hei hi zirlaite pawhin an hriat dan tur a ni.

Mizo tawng lam dan hi harsa tak a awm nual mai. Lumet pawh Sammet ti tawk an awm; ‘maite’ pawh ‘meite’ ti tawk an awm. Mizotawng hi a ngial a ngana lak vek chi a ni lo va, luakchhuak te, ekchhuak te, zunchhuakte pawh a chhuah hmain chhuak kan ti vek. Tin, modify chi pawh tam tak a awm, modify dan pawh a inang vek hek lo. Rev. Zairema sawi dan angin ‘tawng a ni’ tih hi kan pawm thiam mai a tha. Chuvangin, Vawkhniahzawn thla tih pawh hi kan Upa senior leh tawng thiamhote thutlukna a nih avangin pawm ve mai tur a ni. Common Language-ah pawm tlan mai tur a ni ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy