State Election Commission Mizoram ruahman angin Thawhlehni khan Mizorama hmun 10-ah village council leh local council by election neih a ni a, hmun hnihah erawh inthlan ngailoin uncontest a ni. Boruak muanawm tak hnuaia inthlan a ni tih thu dawn a ni.
Aizawl Municipal huamchhungah Luangmualah leh Salem Vengah seat khat ruak ve ve local council by-election neih a ni a. Luangmualah hian voter 3591 awmin vote zaa 58.90 a tla a; Salem Vengah voter 4159 awmin vote zaa 63.57 a tla a ni.
Lawngtlai district khaw 7-ah VC by-election hi neih a ni a. Khaw hnih – Kakichhuah (seat 1) leh Kawnkhua (seat 2) ah inthlan ngai loin uncontest-in an tling. Nghalim luiah vote zaa 68.64, Dumzautlangah vote zaa 81.46, Chamdurtlang-II ah vote zaa 89.77, Lawngtlai Electric Vengah vote zaa 64.62, Lawngtlai Bazar Vengah vote zaa 62.36 a tla a ni.
Hnathial district Bualpui ‘V’ ah pawh VC by-election neih a ni a, vote zaa 83.85 a tla a ni.
VC leh LC by election nei
