Daily Newspaper

VC thar-te training neihpui tum

12

Tunhnaia village council thlantharten SIRD&PR kaltlanga foundation training an neih theih dan tur ngaihtuahin District Task Force on Covid19 chu an chairman, district bawrhsap Kumar Abhishek hoin an thukhawm.

Bawrhsap chuan hri-in min chim mek mah se, sawrkar hnate tha taka kalpui zel a ngai, tiin, a bikin tunhnaia thlan thar VC member-te chu 15th Finance Commission atanga sum dawn an hman dan turte, ni za inhlawhna an kalpui zel dan turte, village level task force on covid19 an kalpui dan tur leh an awm dan tur sawrkar dan hrang hrangte rang taka an zira hna thawk theia buatsaih thuai an tul tih a sawi. Chutihlaiin hrileng inkaichhawn theihna laka fihlim chunga training tir dan zawn a tul tih a sawi bawk.

Training chu sawrkarin punkhawm a phalsak zat chin pel lo leh inhlata awm tura phal chin dante zawm chunga kumin October chhoa a indawta neih dan duan nise an ti a. Ruahmanna an siamte DC leh medical lamte nena la thlir ho leh nise tih a ni. Training hi Serchhip leh E. Lungdarah te buatsaih tum a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy