Daily Newspaper

+ve hriat thar zat 14, dam zat 89

8

Thawhtanni-a result hriatah Mizoramah Covid-19 natna vei hriatchhuah thar mi 14 an awm a, mi 89-in damin damdawi in an chhuahsan ve thung.

Hriat thar mi 14-te zinga mi 11 chu Falkawn damdawi ina hriatchhuah an ni a, sample 889 en zingah mipa pasarih leh hmeichhia pali, kum 11-40 inkar an positive a ni. Aizawl District mi vek an ni.

Falkawn damdawi ina hriatchhuahah hian Aizawl khawpuia cheng mi pariat an awm a, pakhat chauhin Covid-19 lanchhuahna natna a nei. Mi dang pathum chu Mizoram pawn atanga rawn haw an ni a, Tachhip, Lengpui leh Rulchawm khaw mi an ni.

Bairabi-ah Rapid Antigen Test hmangin lirthei khalhtu pakhat, hnam dang a positive tih hriatchhuah a ni a, kum 22 mi a ni. Saitual-ah TrueNAT khawl hmangin mi pahnih, mipa ve ve, Mizoram pawn atanga rawn hawte an positive tih hriatchhuah a ni bawk.

Mizoramah Covid-19 natna vei hriatchhuah mi 1428 an awm ta a, an zinga 919 chu dam tawh niin, enkawl lai mi 509 an awm.

He natna vei hriatchhuah tawhte hi mipa 1182 leh hmeichhia 246 an ni.
Aizawl District-ah he natna vei hriatchhuah tawh hi an tam ber a, enkawl lai mi 432 leh dam tawh mi 512 an awm. Kolasib District-in an dawt a, enkawl lai mi 32 leh dam tawh mi 175 an awm.

(THE AIZAWL POST – Tualchhung)

The Aizawk Post

Full>> ePaper Subscribe

 

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy