Vestige Company-a thawk tha chawimawi
Mizorama a tum 4-na atan Vestige Marketige Pvt Ltd chuan November 21 khan Vestige Award hlanna Aizawlah neih a ni a. He hun hi Vestige Marketing Pvt Ltd chief executive officer Ajay Suri chuan a hmanpui.
Vestige Award hlanna hi kumtin hman thin ni mah se, Covid len hnu ah hun engemawchen an hmang thei lo a, kumin hian hman leh tan a ni. Mizoram pawn tangin an top leader-ten rawn hmanpuiin, Vestige Company-a hlawhtling leh kaisang thar mi 500 chuang hnenah chawimawina hlan a ni.
Vestige Marketing Pvt Ltd hi khawvel puma top 100 direct selling companies thlanchhuah zingah 36-na dinhmun a luah mek tih sawi a ni a. India direct selling company-ah khawvel top 100-a langpha awmchhun niin, ‘Most Trusted Brand’ award pawh tumhnih a zawnin a la a ni.
VMCM Meriam L Hrangchal kaihhruaina hnuaiah nasa takin Mizoramah hma sawnin, district hrang hrangah centre an nei a; member nuaikhat chuangin thlatin hlawh la in eizawnna atan an hmang mek tih sawi a ni.
Vestige Company-a thawk tha chawimawi
