GIG Motors Veteran Football Tournament 2024 niriatna nimin, May ni 3, Zirtawpni khan 1st MAP Ground, Armed Vengah khelh chhunzawm niin, semi-final lut a hriat kim ta.
Niminah inkhel vawili awmin, league round khelh zawh a ni a, last four lutte chu – Ward No II, Aizawl South III, Lengpui Veteran leh Ward No IX-te an ni.
May ni 7, Thawhlehniah semi-final khelh ni ang a, chhun dar 12-ah Ward II leh Ward IX intumin, chawhnu dar 1:30-ah Aizawl South III leh Lengpui Veteran-te’n final luh an inchuh zui ve leh ang.
Nimin inkhel hmasa ber Pool D Ward II leh Ward IV inhmachhawnah Ward IV chuan siriat faiin hnehna chang a, point 10 an nei. An Pool-ah Ward IX hian point 10 nei ve bawkin, GD-ah Ward IX hi an sang zawk a, semi-final an lut ta zawk a ni.
Inkhel vawihnihna Pool B-ah Ward I chuan 7-3-in Ward XVIII hneh mah se an Pool-ah Lengpui Veteran-in semi-final an luh tawh avangin a chak zawk tan pawh semi-final luh theih a ni tawh lo.
Inkhel vawithumna Pool A lamah Kolasib Veteran leh Ward VI inkhel turah Kolasib Veteran an inlanloh avangin Ward VI chu chaka puan ni mah se semi-final an khel thei tawh lo. An pool-ah hian Aizawl South III-te’n last four an lut tawh thung.
Inkhel hnuhnungber Pool C-ah Ward III chuan 4-2-in Ward XII hneh mah se anni pawh hian semi-final an lut thei tawh lo. An Pool-ah hian Ward II hian point 10 neiin semi-final an lut fel tawh a ni.
Veteran Football hmawrbawk a hnai
