Daily Newspaper

Vettel-a team thar tur Aston Martin

27

Formula One world champion tumli ni ve tawh Sebastian Vettel chuan Racing Point team ti loa Aston Martin an tih tawh tur tan season tharah intlansiak a hmachhawn dawn.

German driver hian season tawpah Italian team Ferrari a chhuahsan ve tawh dawn a, Canadian team Martin nen hian kum tamtak daih tur inremna an puitlin tawh a ni.

Kum 33 mi German driver hian karliamta khan a hmalam hun hi tichiangin, 2020 season tawp ruala chhuak tur Mexican Sergio Perez chu Aston Martin-ah hian a thl^k dawn a ni.

Pathianni Italy ram Mugello circuit-a Tuscan Grand Prix an tlan hma lawk khan Vettel hian a hmalama a awm dan tur hi phur takin a puang a, kum 2021-a Aston Martin driver a ni tur chu inchhuangtak chungin a sawichhuak.

Vettel chuan, “Ka tan tawnhriat thar a ni dawn a, legendary car company dik tak nena thawhdun chu chona thar niin, kumin chhunga he team result hlawhchhuah tawhte hian min hneh takzet a, kum lo kal leh turte hi a la phurawm zual zawkin ka hre nghe nghe.

“Kan thawhdunna hian thil special tak a hrinchhuah ngei ka ring tlat a, Formula One hi ka la hmangaih a, race hmachhawn hi ka phurna ber a la ni reng,” tiin F1 intlansiak lamah a rilru zawng zawng a la pe tih a tarlang tel.

He thupuanah hian a contract rei zawng tur lam Vettel hian tarlang tel lo mah se kum 2021 hnu lam thleng daih tur inremna an ziak niin media lamin an puang ve nghal zat.

2010-13 chhunga Red Bull car khalh chunga a title ho hlawhchhuak Vettel hian Monegasque Charles Leclerc lo lan hnuah Ferrari-a a dinhmun chu a khirh chho ta tuak a, season liamta khan he driver la naupang tak hian a hliah ta tlat a, pole luah, hnehna chan leh point hmuhchhuah kawngah Leclerc hi a pha ta tlat lo a ni.

Kuminah Ferrari hi an talbuai tlat a, season an la tan hm^ May thla khan kum tawpa Vettel chhuah tur thu hi an nemnghet ta nge nge a, Spaniard Carlos Sainz chuan McLaren chhuahsanin a thl^k dawn a ni.

Racing Point hi tun season intlansiak vawikua hnu constructor standing-ah palina ni mekin, point 92 an nei tawh a, point 66 neitu Ferrari chu parukna an ni leih leih thung.

Mercedes-powered Aston Martin-ah chuan Vettel hi team neitu Canadian billionaire Lawrence Stroll-a fapa Lance Stroll nen an inkawp dawn a, Lawrence hi British-based sportscar maker-ah hian executive chairman of the British-based sportscar maker a ni bawk.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy