ng ruah nasa tak surin Vietnam-a tui lian leh lei min a thlena thi chu mi 90 bawr an ni ta a, chin hriat loh mi 12 an la awm mek bawk.
Vietnamese sorkar chuan chenna in 1,86,000 vel chhia a awm tawh a, ran vulh lai maktaduai thum chuang tuiin a la tawh bawk tih an sawi.
Thuneitute chuan thil chhia leh bo hlut zawng hi maktaduai tel man a nih tur thu an sawi.
Tlang ram province, Dak Lak chu a tuar na ber niin November 16 atang khan mi 60 chuang an thi tawh niin AFP news agency chuan a tar lang.
Tun tum tui lian hi tun hnaia Vietnam-in khuarel chhiatna a tawh mawlh mawlh kara thleng niin chawlhkar indan rei lo te karah typhoon pahnih, Kalmaegi leh Bualoi an lo tuar tawh bawk.
Pathianni thleng pawh khan mi 2,58,000 velin power an la nei lo va, kawngpui leh rel kawng pawimawh tam tak a la ping bawk tih thuneituten an sawi.
Sipai leh police-ten a tuar na zual lai hmunah hian chhawmdawl hna an thawkho mek.
Sorkar chuan an ram chhim leh chhim laili laia province panga – Quang Ngai, Gia Lai, Dak Lak, Khanh Hoa leh Lam Dong chu a tuar na zual an ni tih an sawi.
Prime Minister Ph?m Minh Chính chuan South Africa-a G20 summit a tel mekna atangin Pathianni tuk khan emergency meeting a ko nghe nghe.
Zirtawpni thleng khan hmun thenkhatah chuan ruat metre 1.5 a syr tling tawh a, kum 1993-a a sur vak tum, metre 5.2 aia tam a sur tawhna hmun thenkhat pawh a la a, ruah hi a la sur belh dawn niin an sawi bawk.
Scientist-te chuan Vietnam hi mihringin a siam sik leh sa inthlak avangin khaw awm dan uchuak tak tak tuar nasa thei niin an sawi a, typhoon thawk pawh na sawt leh thawk zing sawt thei a ni tih an sawi.
Vietnam-a ruah sur nasaah mi 90 vel thi tawh
