Site icon The Aizawl Post

Vietnam President Xuan Phuc bang

Vietnam president Nguyen Xuan Phuc chuan a ban thu sawiin hei vang hian communist rorelna ram hian hruaitu thar a nei dawn a ni.

President Nguyen Xuan Phuc hi a ban rinsa tawh niin a hma lawkin a deputy prime minister lo ni tawh pahnihte pawh an lo bang tawh a.
Phuc hi prime minister hlui pawh lo ni tawhin kum 2021 khan president nihna a chelh tan a ni.

Party chhunga hard-liners te chuan anti-corruption drive kalpui mekin Communist party member za tel tehmeuh chhui chianin an awm mek bawk a ni.
President banna hi National Assembly-in a pawm a ngai dawn a, mahse, hei hi chu kalphung pangngai a ni.

Phuc leadership hi fak hlawh a nih rualin a kaihhruaina hnuaiah official tam tak te chuan dan bawhchhiain thil dik lo an ti tia puh a ni.

A deputy prime minister pahnih ban tawh bakah minister dang pahnnihte pawh criminal charge siamsak an nih avangin an bang tawh bawk a.

“Party leh mipuite lakah mawhphurhna a nei tih a hriat chian em avang hian Phuc hian a dinhmun a\anga ban chu a thlang a ni,” tiin thuchhuah siam chuan a tarlang.
Kum 69-a upa Phuc hian kum 2016 a\anga April 2021 thleng khan prime minister nihna a chelh a, chumi hnuah Vietnamese politics a ‘four pillar’ tih zinga tel president a ni zui leh a ni.
Communist party general secretary chu heng post pali zingah hian a lal bera a ni a, mahse, president chuan thuneihna sang tak a nei thung a. A dang pahnihte chu prime minister leh National Assembly chairman te an ni.

Kum 2022 bikah khan party member 539 te chu eirukna leh hre reng chunga tidik lo lui tia puh niin hrem an ni bawk a, chung zingah chuan minister, top official leh diplomats te pawh an tel.
Police te chuan corruption case 453 lai an chhui chiang bawk a, a hma kum aia a punna pawh 50% chuang niin Vietnam hi Asia a economy \hang chak ber te zinga tel mek a ni.

Exit mobile version