Daily Newspaper

Villa-ah Ross Bakrley

7

Premier League club Aston Villa chuan player tha tak an la lut a, Chel-sea atangin England midfielder Ross Barkley chu loan in an la lut.

EPL 2020-21-ah As-ton Villa hi an khel tha hle a, vawihnih khel tawhin an la chak ve ve a, point ruk hmuin palinaah an awm mek. Season tharah bul an tan that vangin an phur a, player hrawl zawk la lutin squad thuam chak an duh a, England leh Chelsea tana khel tha pangngai tak Ross Bar-kley chu Chelsea atangin an la lut fel ta a, an chhawr tangkai hle ngeiin a rinawm.

Kum 2018-ah Ever-ton atanga Chelsea zawmtu Barkley hian England tan vawi 33 a khel tling tawh a, tawnhriat a nei tha thawkhat viau. Season tharah hian Chelsea tan vawi thum a khel tawh a, Carabao Cup-ah Barnsley an hmachhawn tum khan goal a thun nghe nghe. Chelsea hian nipui bazar laiin player thar an la lut nual a, Barkley a khelhna a khelh thin (attacking midfielder) Kai Havertz an la lut a, he hmuna chhawr mai theih turin Timo Werner leh winger Hakim Ziyech te an la lut bawk a, Barkley tan hmun chan a harsa tawh dawn a, Villa pan a thlang zui ta a ni.

Barkley hi Villa pla-yer thar pangana chiah a ni a, Lyon winger Bertrand Traore, Brent-ford striker Ollie Watkins, Arsenal goalkeeper Emi-liano Martinez leh Not-tingham Forest right-back Matty Cash te an lo la lut fel tawh a, season kal mekah tha zawk leh khawng zawka inlan in, an invawrhsan theih ngei a beiseiawm hle.

Villa player thar Barkley hi a chawr-chhuahna chu Everton a ni a, Toffees tan hian vawi 179 khelin goal 27 a thun hman a, a chetthat laiin Chelsea in 2018 an la lut. Blues tan hian Premier League-ah vawi 52 khel tawhin goal li a thun tawh a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy