Daily Newspaper

Villa in Danny Igns an la lut

9

Premier League club Aston Villa chuan striker thar an nei a, Southampton leh England forward Danny Ings chu £30million sengin an la lut a, kum thum daih contract an ziahpui.

Aston Villa hian an captain Jack Grealish chu Manchester City hnenah £100million zetin an hralhchhuak dawn a. An player pawimawh ber Grealish tel lova an buai mai loh nan an squad thuamchak an tumin hma an la nasa hle. England striker Danng Ings an lak hma hian player pathum Leon Bailey (Bayer Leverkusen), Emi Buendia (Norwich City) leh Ashley Young (Inter Milan) te an lo la lut tawh bawk. Grealish awm lo pawh nise an player tharte hi a chetha a nih chuan EPl-ah khawng zawkin an inlan thei ngei tura ngaih a ni.

Villa striker thar Igns hian English club hrang hrang tan a lo khel tawh a, Burnley chu a hming chherna ber a ni. Kum 2011–2015 chhung khan Burnley tan hian vawi 122 a khel a, goal 38 a thun. Burnley tan a khelh that em vang hian Premier League club ropui Liverpool in an la lut. Anfield club-ah beisei a phak lo thung a; Premier League-ah vawi 14 chiah a khel a, goal 3 a thun. Reds atang hian Sputhampton chu loan in a zawm a, kum 2019 khan Saints hi a nghetin a zawm zui ta bawk. Southampton tan hian EPL-ah vawi 91 a khel a, goal 41 a thung tling. Saints tan a khelh that em vang hian England tan khel turin koh a ni a, Three Lions tan hian vawi 3 khelin, goal khat a thun tawh. Season liam ta khan inelna hrang hrangah goal 14 a thun tling a, a che chhe lem lo viau.

An striker thar hi Villa manager Dean Smitch chuan a fak hle a, ‘player ropui, khawi hmun atang pawha goal thun thei’ tiin a fak a. “Kan club i rawn zawm hian min tihlim tak zet a, thinlung takin kan lo lawm a che” tiin a lo lawm bawk. Nipui bazar inhawn mekah Danny Ings hian ngaihven a hlawh viau a, club lian hrang hrang; Tottenham, Manchester City leh Manchester United te pawhin ngaihven bawk mahse Aston Villa chuan hnehna changin, Ings an la lut ta nawlh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy