Villa in Hibernian an sawp
Nilai zan khan Europa Conference League play-off khelh a nih a. Premier League club Aston Villa chuan an khingpui Hibernian chu 5-0 ngawtin an sawp a, group stage a hnaih ta hle.
Easter Road Stadium-a lenglut Aston Villa hi an khel tha viau a, chawlhlawk hmain goal thum ngawt an thun hman. Si nga fai ngawta hneha an chan tum hian Ollie Watkins a chetha viau a, hattrick a siam. Villa tan hian inkhel tan atanga minute 17-na lekah Ollie Watkins chuan hmahruaina goal a thun. Hma takah goal an thun vangin inrintawkna sang zawk nen an inlan chhunzawm a, kawng hrang hrangin an khingpuite an thunun zui hle.
Hma taka goal an thun hnuin minute 33-naah goal hmahruai thuntu Ollie Watkins chuan an goal hnihna a thun a. Chawlhlawk dawn hnaih minute 42-naah Leon Bailey chuan an goal thumna a thun zui leh zat a, si thum faia hmahruai chungin chawlhlawk an hmang.
Chawlhlawk hnu lamah Villa an khel tha chhunzawm a, goal an thun leh thuai. Second half tan atanga minute thumna lekah Ollie Watkins chuan goal thunin hattrick a siam. Ollie Watkins-a’n hattrick a siam hnu hian minute 74-naah Douglas Luiz chuan penalty atangin an goal lina a thun zui leh a, si nga fai ngawtin an chak zui ta a ni. Villa hian singa fai ngawta an hneh tawh Hibernian hi London stadium-ah an mikhual zui leh dawn a. An mualah si li faia an tlawm a nih pawhin inelna tak tak hmachhawn turin an tling thei tho dawn a, an din hmun a tha hle.
Nilai zana inkhel dangah FC Spartak Trnava leh SC Dnipro te chu 1-1 in an inhnehtawk.
Villa in Hibernian an sawp Nilai zan khan Europa Conference League
