Russia President Vladimir Putin chuan China thlawk lutin Beijing leh Moscow inzawmna \ha zawka siam\hat ni dawnin Khawthlang ram te lakah khauh zawka hmalak an tum thung a. Mahse, ram pahnihte inlaichinna chu engtia nghet nge a nih zawhna a awm thung.
Nikum kumtir lam khan Vladimir Putin-a’n Beijing a tlawh \um khan Xi Jinping nen ram pahnih inlaichinna chuan ‘chin lem nei lo’ tiin an sawi a.
Tunah Russia leader chuan Chinese capital tlawh lehin China State media-te chuan ram pahnih inlaichinna \hatzia an sawi vul nasa hle.
Ram pahnih inlaichinna \ha chu an tana \ha ve ve a ni a, khawvel tukverhah kharkhipa an awm loh nan an inchhan thei a, hruaitu lian tena kut thinga an inchibai lai tarlan chu ram pahnih in\hian\hatna \hatzia pholanna zel anga ngaih niin chutihrual erawh chuan sumdawnna lamah chuan an inkawmngeih lutuk lo emaw tihtur a ni thung.
Khawpui lian vak lo Heihe chu China leh Russia inrina bula awm a ni a. China local tourist te chuan \henawm lawk lui ral piah lawka awm Blagoveshchensk chu an pawh mai theih a ni a.
Luipuiah chuan lawng tourist phur tur dah reng niin Chinese song te play a customer te hip an tum chungin ticket lei tur an hmu meuh chuang lo. A lehlam lawkah Russian coastguard lawng chu a inhung ve thung a.
Blagiveshchensk-ah hian lei dawh thar niin chu chu cross-border trade a danglamna siamtu tur tia sawi \hin a ni a, mahse a lun lo hle thung.
Khawpui chhungah pawh khualzin an awm meuh chuang lo. Sumdawnna a hnianghnar lo va, khualzin tam tawk an awm hek lo tia sawi a ni a. Covid lai phei kha chuan hun rei tak ramri chu kharin a awm bawk a.
Tunah erawh Ukraine a run avanga hrekna nasa tak tawng mek China chu Russia chuan theih tawpin a pui mek a, Russian natural gas te pawh north-eastern province of Heilongjiang lamah nasa zawkin a pe lut bawk a.
Tun \uma Vladimir Putin zin hian Xi Jinping pet project forum inhmuhkhawmna chhima kal a ni a. Xi Jinping chuan global transport infrastructure programme Belt and Road Initiative chu a kalpui mek a. A chang chuan ram rethei zawkte chu leiba thanga dah lutah an puh bawk.
Hei vangte hian tun \uma Vladimir Putin leh Xi Jinping tena inhmuhna an nei tur chu khawthlang ramte chuan an ngaihven hle a ni
Vladimir Putin-a’n Beijing thlawk lut
