Mizoram chief electoral officer Madhup Vyas hoin Lok Sabha MP inthlan huna vote tla a that theih dan ngaihtuahin Ningani khan sawrkar hotulute an thukhawm.
CEO chuan inthlanpui awm apiangin MLA inthlan aiin Lok Sabha inthlanah vote tla a chhe ziah tih sawiin, MLA inthlanpuiah India ramah pawh vote tlak thatna ber kan nih thin laiin, a hnu thla li awrha Lok Sabha inthlanah MLA inthlana vote tla a phak loh bakah MP inthlan hnuhnung ber – kum 2019 ah phei chuan national average vote tla pawh kan pha lo a, tan lak a tul hle, tiin a sawi.
Thutkhawmah hian mipui hnena vote thlak tura zirtirna kalpui dan tur hrang hrang ngaihtuah niin, kalphung pangngai lo deuh, thil thar chhawpchhuah chi hrang hrang sawiho a ni a. A bikin thalaite leh a vawikhatna atana vote thlak tur (first time voters) te hnena hmalak tum dan sawi a ni. Micro-level a tan lak a ngai tih sawi a ni a, School Education department, Higher & Technical Education department leh Sports & Youth Services department kaltlanga hmalak dan tur duan a ni.
Vote a tlak that theihna’n CEO hoin ruahmanna siam
