Daily Newspaper

Vur-a awm rei record siam

8

Khaw lum eng ang lai pawhin vur tuia inchih chu tuman kan peih hauh lo ang, chutihlaiin Austrian pa pakhat, Josef Koeberl, kum 43, chu record siam tumin vur-ah a inchiah a, darkar hnih leh minute 50 chhung a inchiah thei!

Inrinni kalta khan Melk, Austria-ah Josef chu tuichen kekawrbul chauh hain bawm chhungah a ding a, tichuan bawm chhungah chuan vur kg 1,800 a rit an chhung lut ta, a lu tih loh chu a taksa dang zawng zawng vurin a khuh vek a ni.

A hmaa hetiang record siamtu chu Chinese Songhao Jin, niin, 2014 khan darkar khat leh minute 53 leh second 10 vur bawmah awmin record hi a lo siam tawh a, he record hi Josef hian a rawn khum ta a ni.

Josef Koeberl chuan a record siam hi khawvel sik leh sa lo danglam nasa ta lutuk chuan ngaihven a hlawh lehzual theih nan a tih a nih thu te pawh a sawi a, nikum khan darkar hnih leh minute 8 hetiang hian vur zingah a lo awm tawh bawk niin a sawi a, mahse, hei hi chu Guinness World Records lamah a hriattir lo a ni awm e.

Josef hi darthlalang bawm chhungah a ding a, tichuan bawm chhungah vur hi an leih lut ta a ni. Josef chuan, “A tirah vur tlang pakhatin ka kezungpui a tlak na deuh a, a hrehawm duh khawp mai, mahse, a tui hnu chuan engkim a ziaawm ta deuh a ni,” a ti a, a record siam hi a la duhtawk mai lo va, kumtharah tuna a record hi khum leh a tum dawn ni a sawiin, “Darkar thum ka tih theih ka ring a ni,” a ti.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy