Daily Newspaper

Vur tlang lianin tliarkar su mai thei

11

Antartica ice shelf atanga kum 2017-a inla hrang Rhode Island aia lian vur tlang chuan South Atlantic Ocean-a South Georgia island a hnaih tial tial a.

He vur tlang lian tak mai National Ice Center tena A68a tia an vuah hi ocean current-in thliarkar hnaihah a nawr zel nia sawi niin he thliarkar hi penguins, seals leh wildlife hlu tak tak te chenna a ni.

He vurtlang hi South Georgia island atangin 31 miles velah chauh a awm tawh a, tun ang renga a kal a nih chuan thliarkar a su dawn nia ngaih a ni.

Vur tlang hi 650 aia chhaha ngaih a ni a, hmun sawma thena hmun kua chu tui hnuaia awm niin David Long, director of the center for remote sensing, Brigham Young University chuan a sawi a.

“Thliarkar a su a nih chuan thliarkar hnuaiah lam a dang ping dawn a, vur tlang hi thliarkar tiat vela lian tho a ni sia a ni,” tiin a sawi bawk a.

Vurtlang hi mel 93 vela thui leh mel 30 vela zau a ni a, thliarkar a su a nih chuan macaroni penguins, seals leh seabirds tena tui hnuaia chaw an zawnna nasa takin a tibahlah dawn a, loh theih lohin chaw zawngin thui tak an kal phah a ngai dawn, he thliarkar tuipui hnaihah Blue Whales ten chaw an zawng thin a, chu pawh chuan harsatna an tawk dawn nia ngaih a ni bawk.

A tirah chuan A68a hian South Georgia Island hi a pumpelh thei dawna ngaih a ni a, mahse ocean current chak tak avangin leh thlipui avangin a kal dan a thlak nia sawi a ni bawk.

Thliarkara cheng Gentoo penguins tena tui an neih hun tur niin rei lo te hnuah seals ten fa an neih hun tur a ni bawk a, vur tlang hian thliarkar a su a nih chuan harsatna nasa tak an tawk thei dawna ngaih a ni bawk.

A68a hi July2017 khan Larsen C ice self atangin a inla hrang a, a tirah chaun 2,300 square miles laia lian niin mahse a len velnaah inhloh thenin tunah chuan Rhode Island tia vel chauh a ni tawh zawk a ni.

Antartica Peninsula Larsen C Ice Shelf awmna hi khawvela hmun lum chak bera ngaih niin kumin February thla khan Antartica Peninsula a Seymour Island-ah temperature 70 degree dawn record a ni.

Larsen C vur tlang tuiral zel hian sea level nasa takin a tisang zel tura ngaih niin Antartic ice sheet te chu ngelnghet lo taka ngaih an ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy