Daily Newspaper

Wawrinka barakhaihtu rawlthar

32

Italian Open khelh tan t^kah Grand slam-a vawithum ngawt champion ve tawh Stan Wawrinka chu Italian player rawlthar Lorenzo Musetti chuan 6-0, 7-6(2)-in a hneh nawlh a, kum 18 mi tan Swiss a hnehna game hi ATP Tour-a a match hmasaber a la ni nghe nghe.

Thawhlehni first round hnehna kha Musetti tan professional circuit-a a chak vawi-khatna a ni a, kum 35 mi tawnhriat ngah tawh Wawrinka a hneh hnuah Japanese player hriat hlawh Kei Nishikori a hmachhawn leh ang.

Qualifying round thum a paltlang hnua main draw thleng pha Musetti lakah Wawrinka khan game hmasa pariat ngawt a hloh a, khatih chhung khan Swiss hian tihsual a ngah a tuar a, set hnihnaah rawn kang chho bawk mah se tualchung rawlthar phur laklawh a lehthal zo ta ngang lo a ni.

Inkhel dangah Denis Shapovalov leh Andrey Rublev-te pawhin straight-sets hnehna changin second round an lut ve bawk.

Karliamta maia US Open quarter-final thleng pha Canadian 12th seed Shapovalov chuan Argentine Guido Pella lakah 6-2, 6-3 hnehna nuamsa a chang a, ace vawisarih ngawt a vawchhuak.

Foro Italico-a a debut nghakchhuak ninth seed Rublev thungin qualifier Facundo Bagnis lakah 6-4, 6-4 to hnehna a sualchhuak a, second round lamah Hubert Hurkacz a tum leh ang.

US Open quarter-finalist dang Alex de Minaur erawh a tlang zo ta lo a, Dominik Koepfer lakah set khatna la bawk mah se German zawk hian 3-6, 6-3, 7-6(5) hnehna a chang.

Women’s draw lamah US Open last 16 pel zo lo Angelique Kerber pawh a tlo lo leh a, Czech Katerina Siniakova chuan 6-3, 6-1-in a hnawtchhuak a; clay leilunga a inkhelh vawikhatnaah Coco Gauf a chak thung.

American tleirawl Gauff hian a vawi-khatna atan clay-ah main draw match a khel a, set khatnaah 2-4-a a hnufual hnuah Tunisian Ons Jabeur lakah 6-4, 6-3 hnehna a chang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy