Daily Newspaper

WhatsApp-in feature thar enchinna nei mek

25

WhatsApp chuan feature thar a hmangtu tena an phone tel lova an hman theihna tur enchinna an nei mek.

Tun dinhmunah WhatsApp chu a hmangtu phone nena inthlunzawm tlat niin desktop ah leh web apps ah te hmang tur chuan phone nena inthlunzawm a nih a ngai a ni.

Mahse tuna enchhinna an neih ang chuan phone battery pawh thi mahse a hmangtute chuan message thawn chhuah bakah an dawng thei dawn tho a ni.

Hei mai bakah hian a rualin khawl pali laiah mimal computer leh tablets te nen hman theihin a awm dawn niin WhatsApp te chuan an sawi bawk a.

He ruahmanna thar hi mi tlemte te hnenah beta test tiin an kalpui mek a, tha zawka siama mitin tena an hman theih tura ruahmanna kalpui mek a ni.

He system hnuaiah hian WhatsApp tihlutu ber pakhat End-to-end encryption chu kalpui chhunzawm zel a la ni dawn a. He system hnuaiah hian a hmangtu leh a biaka te thu inhrilh tawn chu tumahin an hmuh leh hriat ve theih loh a ni.

WhatsApp ruahmanna ang hi an elpui te chuan an hmang deuh fur tawh a, signal te ang chuan phone chu sign-up nan chauh an hmang tawh a ni.

Facebook engineer te chuan tuna ruahmanna an kalpui thar anga kalpui tur chuan WhatsApp software design chu thlak danglam a ngai tiin an sawi a.

A chhan chu tun dinhmuna WhatsApp chuan smartphone chu primary device-ah hmangin kawng engkimah user data innghah nan bera a hman vang tiin an sawi.

Tuna ruahmanna thar ang chuan smartphone te chu behchhan bera hman a ni dawn tawh lo va, a hmangtu tena khawl hran hrana an hman theih nan ruahmanna siam a ni ta a tiin company te chuan an sawi a. Technical thil tak chuan khawl tin te chu ‘identity key’ pein chu mi hmang chuan a hmangtu ten an duh angin an hmang thei dawn a. WhatsApp chuan hmangtute data an server-ah an dah lo chhunzawm zel dawn bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy