Daily Newspaper

Wheelchair speed record a siam

9

A that laia motorcycling leh vur tleng nuam ti thei tak Jason Liversidge, kum 37, chuan khawmuala wheelchair hmanga tlan chak ber record a siam a, 66.826mph (107.546 kmph) a chakin a tlan thei a, electric mobility-vehicle (prototype) hmanga tlanchak ber record a siam ta a ni.

2008 atangin Jason hian a taksa lamah insawiselna a nei tan a, 2013 khan Jason hian motor neuron disease (MND) a nei tih an hrechhuak ta a ni. MND hian thluak leh nerve a tichak lo a, vawiin thlengin a tihdamna an la hre chhuak lo. He natna avang hian Jason chu a nghawng a chin hnuai lam zawng a zeng ta a, a taksa che thei chu 5% chauh a ni. Mahse, heti chung hian a beidawng lo va, Guinness World Record a siam ta a ni.

Kum thum kalta khan engineer Graham Sykes, electric-vehicle specialist Ian Goodman leh Rod Heald te puihnain electric wheelchair an siam ta a, hemi hmang hian record hi a siam ta a ni.

Record hi Elvington airport-ah a siam a, record siam tuma a tlan hmasak pahnih-ah chuan 51.3mph leh 52.7mph a chakin a tlan a, mahse, record siam tura Guinness World Records lamin an bituk chu 60mph (95 kmph) tala chak a nih a ngai ni a, a vawi thum tlannaah 66.826 (107.546 kmph) a chaka tlan theiin record a siam ta a ni.

A electric wheelchair control nan hian joystick an hmang a, Jason chuan, “Ka kut leh ke te hi millimetre vel lek lek chu an che ve thei a, ka ban hi joystick emaw mouse emaw control thei tur tawkin a che ve theih bawk,” a ti.

Jason hi pa tumruh tak mai a ni a, 2017 pawh khan Mount Snowdon, 1,085m (feet 3,560) a sang, Wales a mi chu a wheelchair hmangin a lo lawn chhuak tawh a, Europe-a zipline sei ber, feet 110 a seiah pawh a lo uai thla tawh a, Silverstone-ah pawh Formula One-style car hmangin a lo tlan chhuak ve ngat tawh bawk a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy