Site icon The Aizawl Post

WHO chief in pandemic chhuahna hriat \ul ti

Covid-19 chhuahna hriat chu tihmakmawh niin a chhan hriat theihna tur kawng hrang hrang te chu dap kim veka bawhzui ngai a ni tiin World Health Organization hotu lawk ber chuan a sawi a. Hei hi UN body head berin virus chhuahna chungchanga tawngkam a la neih nat ber a ni bawk.
US agency te chuan tun hnaiah pandemic chu tihpalh thila Chinese laboraroty atanga putru tiin an sawi a, hei hi Wall Street Journal chuan a chhuah nghe nghe a. Hei vang hain WHO chuan Beijing chu chhanna siam tura tiin Beijing erawhin a hnawl thung a ni.
“Covid-19 bultanna hriat leh a chhuah theihna awm dap kim vek chu tihmakmawh a ni a, hei hi nakin zela hripui leng awm leh thei laka invenna tur niin pandemic avanga mi maktaduai tel nunna chan leh LongCovid nen nung mek tam tak te tan tihmakmawh a ni” tiin WHO chief Dr Tedros Adhanom Ghnreyesus chuana sawi.
Kumin hi WHO in Covid-19 leng ‘pandemic’ leng tia a sawi kum thumna chiah a ni bawk a. Activists, politician leh academics te chuan open letter an thawnah pandemic len champha thum thumnaah hrioui len tawh loh nan leh vaccine pekchhuah dan mumal lo lutuk siam that ni se chuan mi maktaduai 1.3 te nunna chu chhanhim theih a ni ang an ti bawk.
Kum 2021 khan WHO kaihhruai team te chuan Wuhan ah kar eng emaw zah hun hmangin pandemic lentirhn ahmun chu zirchianna an nei a, a hnua joint report an siamah virus chu bak atangin mihringah ransa dang kaltlanga inkaichhawn ni thei tiin tihchian leh zual la ngai an tih laiin Chian chuan Wuhan tlawha an zirchian zui remtihna a pe duh tawh lo zui a ni. Khami hnu atang khan World Health Organization chuan Covid-19 chhuahna chhui turin scientific advisory group dinin chung mite chuan tun thlengin pandemic chhuahnaah thutlukna la siam thei lovin data pawimawh an la nei thei lo an ti a ni.

Exit mobile version