Daily Newspaper

WHO in China langtlang leh inhawng turin ti

43

World Health Organization (WHO) hotu lu ber chuan China chu WHO in Covid-19 chhuahna chhui chianna thawh hnihna a kalpuiah China chu thawhpui nuama awm turin a ngen.

Dr. Tedros Adhanom Ghebreyesus chuan langtlang zawk leh duh ang thala chhui chian a nih theih nan ngenna a siam.

WHO hian chhui chianna thawhkhatna chu February thla khan a lo nei tawh a. Thutlukna a siamah Covid-19 chu Wuhan-a laboratory-a put chhuak nia a lan loh thu leh bak atanga chhuak nia an ngaih thu an sawi a ni.

Dr. Tedros chuan WHO in chhui chianna thawh hnihna a kalpui thuah pandemic intan hmaa damlote data kimchang an mamawh tiin a sawi a. He data pawimawh tak mai hi chhuichianna thawhkhatnaah khan China chuan WHO team-te hnenah a hrilh duh lo a ni.

Hei bakah hian Wuhan-a laboratory chungchang kimchang an mamawh thu sawi bawkin, amah ngei pawh medical professional a nih avangin tihpalh thila thil thleng thei a awm theih thu Dr. Tedros chuan a sawi bawk.

Hei hi WHO in lab atanga putru a ngaih theihna theory an la hnawl loh lantirna anga ngaih a ni a, mithiam ten lab atanga putru ni thei lova an ngaihna an sawi chungin he theory hian chai a la hlawh reng tho a ni.

China a Wuhan Institute of Virology a virus research lab atanga Covid-19 putchhuak anga ngaihna hi US President hlui Donald Trump khan a auchhuahpui nasa a ni.

Hei bakah hian Dr. Tedros chuan pandemic tawp dawn tawh anga ngaihna chu a hlauhawm thu sawiin WHO emergency committee-te chuan virus variant hlauhawm zawk a leng darh mek zel tiin an sawi bawk a. “Pandemic leng mek hi a la tawp lo nasa” tiin committee chuan thuchhuah siamin an sawi zui bawk.

Committee chairman Didier Houssin chuan ‘Virus hnungah kan la tlan mek a, virus hian min um mek bawk’ tiin a sawi.

Coronaviorus kaihhnawiha nunna chan Africa-ah karkhat chhung lekin 43% laiin an pung mek bawk a, hei hi damdawi In khum leh Oxygen mamawh awm loh vang tiin WHO chuan a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy