World Health Organization (WHO) chuan karleh hian Emeregency Committee meeting an koh dawn thu sawiin, hei hi mpox khawvel pum tibuaitu a nih tawh leh tawh loh enfiahna tur a nih thu a sawi.
August thla khan Africa rama natna darh zel hi UN health body chuan khawvel pum tibuaitu a nih theih tawh thu a sawi avangin, ngaihthah chi a ni lo tih a sawi a. Hemi hnu hian khawmualpui dangah pawh virus chi thar, clade Ib an tih chu a darh chhoh zel avangin WHO chuan inhmuhkhawmna hi a ko dawn ta a ni.
Kumin chhungin, November 3 thleng khan mpox hri leng hi Africa ramah hmuhchhuah leh rinhlelh 46,794 an awm tawh a, heng zingah hian mi 1,081 chuan an thih phah tawh tih WHO chuan thawhtanni khan an sawi.
He hri leng tuar nasa ber chu Democratic Republic of Congo niin, Burundi leh Uganda ten an dawt niin WHO chuan a sawi bawk.
WHO in mpox chungchang ngaihtuah dawn
