Daily Newspaper

WHO-in virus chhuahna hriat tumin bei ngawrh dawn

11

World Health Organization (WHO) chuan Covid-19 chhuahna ransa hre turin a theihna zawng zawng a sen tur thu sawiin nakin zela pandemic leng a awm loh nan tihmakmawh tiin a sawi.

“Virus chhuahna bul hriat kan duh a, hre turin kan theihna zawng zawng kan hmang ang,” tiin WHO chief Tedros Adhanom Ghebreysus chuan a sawi.

UN health agency chuan virus chhuahna hriat tuma a beih mek thu sawiin China demna awm reng politics chu kalpui lo turin a ngen.

‘WHO dinhmun a chiang em em. Virus chawrchhuahna hi hriat kan duh a, a chhan chu nakin zela a len leh loh nan a ngai a ni’ tiin Tedros chuan a sawi bawk.

Pandemic-in a khawih nat ber leh nunna chan 2,62,000 chuang awm tawhna United States chu WHO sawisel nasa bertu niin WHO chu China hmaa bawkkhupah a puh a ni.

Sawiseltu dangte pawhin WHO chu China-in a duh tawka a kaihhruai leh international investigation pawh a duh anga kaihruaiah an puh bawk a.

Nikum kum tawpa Chinese city Wuhana Covid-19 hmuhchuah a nih hnuah khawvel pumah mi maktaduai 1.46-in nunna an chan phah tawh a, mi maktaduai 63 chuangin an kai tawh a ni.

WHO chuan thla tam tak chhung China-ah novel coronavirus chhuahna ransa hriat tum international experts, epidemiologist leh animal health health expert te tirhluh tumin hma ala tawh a. July thla khan Beijing ah advance team tirlut tawhin international probe a awm theih nan hma an hruai a ni.

Mahse, scientists rual tena zirchianna tak tak nei tura China an luh theih hun tur hriat theih a la i lo va. Karkalta khan WHO emergency chief Michael Ryan chuan Wuhan ah a rang thei ang bera team an tirluh theih an beisei thu a sawi.

Scientist-te chuan novel coronavirus chu ransa atangin mihringah inkaichhawn ngei niah a tirah chuan ngaiin Wuhan khawpuia ransa hralh atanga mihringa inkaichhawnah an ngai a. Mahse, tunah chuan mi thiamte chuan Wuhan market chu virus chhuahna ni lo thei zawk leh a darhna hmun ni theiah an ngai a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy