Fifa World Cup kal mek boruak a lian bawk a, grass-court grand slam khelh tan tak Wimbledon lam pawh kan ngaihven hman meuh lo a ni ber a, women’s singles first round (round of 128 result thenkhat kan thlir zawi zawi ang.
Champion tura rinkai zinga hraw ber pawl Aryna Sabalenka chuan seeded number one ni chungin a bultanna inkhelah Serbia player Teodora Kostovic hnehin, Latzia nula Jelena Ostapenko; Russian 5th seed Mirra Andreeva, American 4th seed Jessica Pegula, 7th seed Coco Gauff of United States, 14th seed Naomi Osaka of Japan, Barbora Krejcikova (Czech Republic), Diane Parry (France), Alycia Parks (United States), Solana Sierra (Argentina), McCartney Kessler (United States), Ekaterina Alexandrova (Seed ranking 18), Nikola Bartunkova (Czech Republic), Lanlana Tararudee (Thailand), Claire Liu (United States), Dayana Yastremska (Ukraine), Sara Sorribes Tormo (Spain), Xinyu Wang (China), Mananchaya Sawangkaew (Thailand), Karolina Muchova (Czech Republic), Tatjana Maria (Germany), Katerina Siniakova (Czech Republic),
Iva Jovic (United States), Zeynep Sonmez (Turkey), Anna Kalinskaya (Seed ranking 19), Daria Kasatkina (Australia), Anastasia Gasanova, Antonia Ruzic (Croatia), Jessica Bouzas Maneiro (Spain), Belinda Bencic (Switzerland) leh Janice Tjen (Indonesia)-te’n second round an lut tawh.
Wimbledon Day 1-a inlan zingah Tokyo-based designer Hana Yagi kutchhuak (kimono outfit) inbel chunga court chhung lut Japanese Naomi Osaka chuan mipui mit a la ber a, he mi nia sawi hlawh ber a ni zui ta bawk.
Osaka hian Court 3-ah Japan hnam thuam (all-white kimono) a rawn inbel a, a sam cheina atan traditional kanzashi hair ornament a hmang bawk a; Japan traditional national dress hnuaiah hian inbelin, chu chu inkhelhpuina’na a hman zui tak chu a ni.
Wimbledon strict dress code an t ih mai, he tournament bika incheina tur dan khauh tak hnuaiah player-te chu thawmhnaw var hlang deuh thaw (almost entirely white attire) nena court an luh phat atanga inthuam tura hriattirna pek vek an ni.
World number one hlui Osaka pawh hian Wimbledon day one-ah an hnam incheina rawn hawl chhuak mah se a var lam tho a ni a, Elsa Jacquemot a hneh boruak aiin a incheina khan fans mit leh ngaihtuahna a la hneh zawk awm e!
Four-time Grand Slam champion Osaka hian 6-1, 7-5-in Frenchwoman Jacquemot a hneh a, Anastasia Gasanova leh Emiliana Arango inkhela chak zawk zawk a tum leh ang.
Wimbledon an lo \an reng tawh a!
