Winter Festival-ah dan thar zir theih
Lammual-a Winter Festival neih meka India dan thar chi thum – BNSS, BNS, BSA chungchanga mipui hriat tur tul tarchhuahna ‘Exhibition on New Criminal Laws’ a buatsaih chu Thawhlehni zing khan Home minister K Sapdanga’n a tlawh.
Exhibition hi Mizoram Police leh Mizoram State Legal Service Authority tangdun buatsaih niin, hemi hma hian Champhai-a Hnahsin Kut leh Lunglei-a Leitlangpui Music Festival ah Mizoram Police, District SP leh District Legal Service Authority hmalakna in neih a lo ni tawh bawk.
Exhibition-ah hian dan thar chungchanga hriat tur pawimawh – zero FIR, e-FIR, victim chanvo, hremna thar awmte leh a dangte tarlan a ni, dan thar chungchanga mipui hriat tur lakkhawm pamphlet leh lehkhabua siam a thlawna sem a ni. Dan chungchanga hriat duh nei tan Free Legal Aid Clinic buatsaih a ni bawk.
Winter Festival-ah dan thar zir theih
