Women’s Reservation Bill 2023 chu Nilaini khan Parliament-ah Union Minister of State for Parliamentary Affairs, Law minister ni bawk Arjun Ram Meghwal chuan a pulut a, putluh dilna hi Mizoram Lok Sabha MP C Lalrosanga chuan a thlawp.
He bill hi ram rorelna in, State Assembly leh Lok Sabha-a seat zaa 33 hmeichhiate tana hauhna tur a ni a. Thawhlehni zan khan Prime minister hoin Union cabinet thukhawmin putluh a remti a ni. Constitution 128th Amendment Bill hi putluh a nih tur thu Parliament in luah thar hnu lawka Lok Sabha thutkhawmah Prime minister chuan puangin, putluh a nih theih nan vote lak a ni a, MP C Lalrosanga pawhin bill putluh dilna hi tha tiin a thlawp a, bill hi tun tum Parliament Session chhung hian sawiho hman rin a ni.
He bill hi rampum huap dan a nih hunah chuan Mizoram State Legislative Assembly-ah pawh hmeichhiate dinhmun siamthat leh tihchak nan a la pawimawh hle dawn tih C Lalrosanga chuan sawiin, bill hi pass a nih a, rampum huap dana pawm a nih hunah chuan kum 15 hman phawt tur a ni. Bial thenfel, delimitation hnu ah kum 2029 atanga hman theih tur nia hriat a ni tih a sawi.
Women’s Reservation Bill putluh MP-in thlawp
