May 7 hi World AIDS Orphans Day (HIV/AIDS avanga naupang fahrahte Ni) atan hman thin a ni a. He ni pual hian Aizawlah pawh HIV kai fahrah naupangte enkawlna Gan Sabra-ah Thawhlehni khan hman a ni.
Central YMA assistant secretary Fabian Lalfakawma chuan hmanpuiin, NGO hrang hrang leh Mizoram State Child Protection lamin an hmanpui bawk.
Gan Sabra hi kum 2006-a din a ni a, HIV/AIDS avanga naupang fahrah leh harsatna tawkte an tuamhlawm thin a ni. An Home-ah hian hetiang naupang vanduaina tawk mi 50 an enkawl mek a. Community Support Programme (sponsorship) kalpuiin district hrang hrang – Aizawl, Lunglei, Champhai, Mamit, Kolasib leh Saitualah HIV/AIDS avanga harsatna tawk nuapang 300 leh chhungkua 120 tan tanpuina an pe bawk.
Heng tanpuina bakah hian ART damdawi semchhuah leh HIV/AIDS avanga nausen harsatna tawkte tan hnute tui (Formula Milk) an pe thin a ni.
World AIDS Orphans Day
