Pathianni zan khan World champion Argentina chuan Ecuador an hmachhawn a, Algel di Maria goal thun hmangin hnehna an chang. Argentina rual hian European champion Italy in hnehna an chang ve bawk. Hetihlai hian France erawh chu Canada lakah an chak zo lo thung.
World Champion Argentina hian Soldier Field, USA-ah Ecuador an hmachhawn a, minute 40-naah Ángel Di María goal thun hmangin hnehna an chang. Corpa America khel tura inbuatsaih mek Argentina tan player pawimawh a la nih zia Di Maria hian goal hmangin a lantir nawn leh. Argentina hian ball chang tamin, an khingpui lakah hlauhawm siam zui fo mah se goal dang an thun belh thei lo tlung.
Ecuador an hneh tum hian Lionel Messi chu ram tan a inlan ve leh ta a, a khel chhe lem lo viau. Messi hi thla sarih dawn chu ram tan a inlan lo vang vang a, Copa America khel tura inbuatsaih in, ram tan a inlan tan ve leh ta a ni. Messi kir leh ta hian Argentina player te pawh a fuih phur hlawm viau a. An trophy kawl mek humhim turin Copa America-ah inrintawkna sang zawk nen an inlan ang.
World champion Argentina an chak rual hian European champion Italy chu an khingpui Bosnia and Herzegovina chu minute 38-naa Davide Frattesi goal thun hmangin an hneh. Euro khel tura inbuatsaih Italy in hnehna an chang hian inrintawkna sang zawk a pek ngei a rinawm.
Team lian Argentina leh Italy in hnehna an chan laiin France eawh chu an mikhual Canada nen goal awm lovin an inhnehtawk ringawt thung. France hian an mikhual Canada lakah ball an chang tam viau a, hlauhawm pawh an siam nual. Hlauhawm siam thin mah se a tawp an khar tha thei lova, an tlarhma player te an hlauhawm tawk lo. An hneh ngei tura ngaih Canada lakah goal an thun thei lo hi Euro khel tur France tan inbuatsaihna tha a ni hauh lo.
World Champion Argentina an chak
![](https://theaizawlpost.org/wp-content/uploads/tap_logo-min-large.jpg)