Tournament thlengtu India chuan crossover match-a New Zealand hneh loin an kawtkaiah 2023 Hockey World Cup quarter-final an paltlang zo lo a; pakuanaah tawp-in, tun kha World Cup vawi 15 an khelh tawha an tawpna hniam lama a pangana a ni.
World Cup-a la tel kim vek India hi tunhma lamin tumli ngawt pakuana hnuai lamah an awm tawh a, chu’ngte chu kum 1986 (12th), 1990 (10th), 2002 (10th) leh 2006 (11th)-te a ni.
Kum 1998 leh 2014 khan pakuanaah bawk tawpin, kumin world cup hma chiaha world cup hnuhnungber a thlen tho tum kum 2018 tourna-ment-ah khan quarter-final paltlang zo loin an tla.
Pathumna inchuh match-a 3-1-a Australia hnehtu Netherlands kha tournament hnuhnung pahniha runners-up ve ve ni thei an ni a, kuminah erawh kum 2010 ang bawkin bronze medal an awrh.
India kuta World Cup medal luh hnuhnunber chu kum 1975 daih tawh kha niin, Kuala Lumpur khawpuiah gold an awrh.
Kumin hian pool match-ah sihnih faia Spain hnehin, England nen goal awm loa an inhnehtawk leh hnuah team tenau Wales laka 4-2 hnehna an chan phak avangin pool champion nihna nen quarter-final a lut a, New Zealand an paltlang zo ta lo a ni.
Head coach Gra-ham Reid chuan a thlengtu team nihnain team dang aiin player-teah ‘pressure’ a keng tam zawk tih a sawi a, an team-in mental con-ditioning coach an ma-mawh thu a tarlang tel.
Kum 2015 atanga 2017 thleng India men’s hockey head coach hna lo chelh tawh Roelant Oltmans chuan India chetchhiat chhanah tactic chungchanga inzirtirna (tactical awareness) an neih that loh leh India leilunga club mumal awm lo (non-existent club culture) a puh.
Kum 2013 – 2015 chhunga High Perfor-mance Director of Indian hockey nihna chelh tawh bawk Dutch coach chuan, “India ramah club culture a awm lo a, player-te hian chhum lo chat loa inkhelh an mamawh a, chu chu India team mamawh a ni,” a ti.
Graham Reid pawhin national game atana hockey thlang ngattu India rama club culture kum 2017-a Hockey India League (HIL)-in a nuaibo ta mai kha khawvel huap inelna liana India thlensan theih lohna chhanah a puh tel ve chiah bawk.