World Muaythai Championship khel
Mizo tlangval Ngaihawma
Senior Muaythai Championship-a India aiawha inkhela kal Lalngaihawm, Pachhunga University College zirlai chuan semi-final pakhatah Iraq player nen final luh inchuhin an inkhel a, chak zo loin, bronze medal a dawng.
Hunthar veng tlangval Lal-ngaihawma chuan a khelhna – 48kgs, 18-23 years category huangah Thawhlehni daih tawh khan semi-final khelin, round hmasa berah chetha tawk lo mah se round hnihna atanga insiamthain, theihtawpin a beilet a, mahse, split decision-in a chak zo ta lo a ni.
Lalngaihawma hian world cham-pionship leh international level-ah tawnhriat a la neih loh avangin tun tuma India aiawha a tel hi a tan thil thar a nih thu leh rilru lamah pawh harsatna a tawh deuh thu a sawi a, chutihlaiin a khelh chhoh zelnaah inrintawkna nasa zawk a neih belh zel avangin world champion nih ngei a la tum thu a sawi.
India hian a pumpuiah medal pathum lain, bronze vek a nii a, he’ng zinga Mizo tlangval a tel ve thei hi Muaythai Association of Mizoram chuan a chhuang hle tih an thuchhuah chuan a tarlang.
Naktuk, Pathianni hian Thailand atangin Kolkata panin an rawn haw ang a, Thawhtanni hian Lengpui Airport an lo thleng dawn a, Muaythai Association of Mizoram chuan ropui taka lo hmuah a tum.
World Muaythai Championship khel Mizo tlangval Ngaihawma
