Lui kal tawh chuan tuia lungte vawm sawh hi vawi khat tal chu kan ti deuh ziah awm asin. Hetianga tui chunga lawmte vawm sawhah hian khawvel huap intihsiakna te pawh an lo nei a, World Stone Skimming Championships an ti a, kumtin September thlaah, Scotland khawthlang lama Easdale thliarkar-ah an nei thin a, kumin hian Kentucky lam mi Jonathan Jennings chu mipa puitling intihsiakna a champion a, ani hi American zinga champion ni thei hmasa ber niin, hmeichhe puitlin intihsiaknaah Lucy Woods a champion a, ani hi tum ruk a champion-na a ni tawh.
He championship-ah hian an lungte vawm sawh tur chu Easdale ami ngei a ni tur a ni a, siam danglam loh tur a ni bawk. Mahse, kumin hian competitor zingah lung vawm sawh awlsam tura khawl hmanga lo timam lawk te an awm nual a, intihsiakna atangin disqualified an ni.
He championship-ah hian lawmman pawisa fai a awm lo a, mahse, champion chuan trophy an dawng thin. Intihsiakna hi round hrang hranga awm a, round hmasa berah chuan tui chunga lung vawm sawtah a ral lehlam bang deng thei tur a ni a, feet 206 vela thui a ni. First round paltlang te chu second round-ah intisiak lehin, hei hi ‘toss off’ an ti a, winner zawnna a ni nghal tawh thin.
World Stone Skimming Championships
