Wrestler te an chetha
Pathianni khan New Delhi a Indira Gandhi Indoor Stadium ah
Khelo India Tribal Games, 2026 ah Wrestling inelna hmachhawn tur zawnna Selection Trail neih a ni a. Mizoram atangin Wrestler pali an tling.
Mizoram Wrestling Association chuan Delhi a trial hmachhawn turin Wrestler paruk a tir. Wrester paruk atangin pahnih an vanduai a, trial an paltlang zo lo. Pahnih an vanduai laiin mi palite chu inelna lian zawk hmachhawn turin an tling ve thung. 1st Khello Tribal Games 2026 hmachhawn tura tling te hi; Mizo Nulian champion – Lalhmangaihsangi, Nulaihawl champion – Elizabeth Rohlupuii, Melriat, Nute champion – Lalvenhimi, Bethlehem leh Jacob Vanlalrinliana, Venghlui te an ni.
Selection trial ah hian India ram chhunga state 28 ten an hmachhawn. A bikin hmeichhe lamah Mizo Wrestler te an chetha viau a, medal an la vek. Lalvenhimi’n, 52 Kg huangah Silver Medal a la a. 68 Kgs ah Elizabeth Rohlupuiin Bronze medal a lak bakah 77kgs a khel Lalhmangaihsangi’n Bronze Medal a la ve bawk. Mizoram team hi Hmangaihhlima, Jt Secretary, MWA (Manager) leh C Lalhmunfela, NIS (Coach) ten an hruai.
1st Khello Tribal Games hi February 28, 2026 atangin Chhatishgarh ah neih tan a ni dawn a. Mizoram pawhin infiammi engemawzat tirin hlawhtlinna chan ngei a tum dawn a ni.
Wrestler te an chetha
