Wrestling legend Hulk Hogan a thi
A larna behchhanin Hollywood khawvelah a han zuanglut a, film thenkhat Sylvester Stallone-a channa Rocky III leh Santa With Muscles tihahte han lang ve lauh lauh mah se a hlawhtling em em lo a, mahse, wrestling entertainment khawvelah chuan professional wrestling chawilartu pawimawh leh langsar pakhat a ni a, wrestling legend ti hialin hriat a hlawh a, chuti ang mi, Hulk Hogan-a chu kum 71 mi niin a thi tih Ningani khan World Wrestling Entertainment (WWE) chuan an puang.
Hogan hian politik lamah pawh boruak a siam thiam hle a, Barak Obama kha a thlawp tih sum leh chetziaa lantirin, a hnuah a beisei anga mihang president hmasaber leh awmchhun khan hna a thawh loh avangin a thlawpna a hnukdawk a; ring leh langsar takin Donald Trump a pui ta zawk a ni.
World Wrestling Entertainment chuan X lamah thuchhuah siamin, Hogan chu kum 1980 bawr chho laia khawvela WWE phochhuaktu leh chawilartu a nih thu an tarlang a, a thih chhan erawh an sawilang tel lo.
Terry Gene Bollea tih hming puin August ni 11, 1953 khan Augusta, Georgia-ah lo piangin, a ring name ‘Hulk Hogan’ tih ch a larpui zui ta a ni.
Naupang te a nih laiin an chhungkua chu Tampa, Florida area-ah an pem a; high school a zawh hnuin an area rock band thenkhat tan bass guitar-te a han perh lawp lawp a, kum 1970 bawr chho atang khan a kalna tur tak wrestling luhchilhin Florida lamah a hun tam zawk a hmang zui ta a ni.
Wrestling legend Hulk Hogan a thi
