Daily Newspaper

Wuhan khawpuiah Zirna In hrang hrang te hawng dawn

15

Covid-19 pandemic len hmasak berna leh chhuahna Chinese city Wuhan chuan Thawh lehni atang hian school leh kindergarten te an hawng tawh dawn.

Wuhan khawpui chhunga zirna in hrang hranga 2,842vel zet chuan zirlai maktaduai 1.4 te tan kawng an hawng tawh dawn tiin local government thuchhuah chuan a sawi a. Wuhan University chu vawiin atang hian hawn a ni thung ang.

Khawpui thuneitute chuan eng emaw harsatna nasa zawk a awm leh thut a nih chuan online teaching kalpui turin ruahmanna an siam lawk sa thung thu an sawi a. Zirlaite chu school-ah hmaikawr vuah vek tur leh a theih chhung chu public transportation hnualsuat turin an ngen thung.

School tin te chu disease control-na bungrua chhekkhawl vek tura tih niin virus leng leh thut thei laka inven nana drill leh training te kalpui tura tih an ni bawk a. Hei bakah hian tul lem lo va punkhawm tihloh tur ni bawkin nitin health authority te hnenah report pek tur a ni bawk.

Foreign zirlai leh zirtirtute school atanga hriattirna lehkha la dawng lo te chuan Wuhan an luh la phalsak an ni lo tihna a nih thu an sawi bawk.

Central Chinese city Covid-19 pandemic chhuahna Wuhan khawpui hi January thla chawhnu lam atang khan thla hnih chhung lockdown-in a awm a. Pandemic avanga nunna chan 3,869 neiin China a pandemic avanga nunna chan 80% lai Wuhan hian a hauh a ni.

April thla atang khan nunphung pangngai lek lekin an kalpui thei tawh a, lockdown hlih niin May 18 hnu atang khan local transmission a awm tawh lo bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy