Twitter ni thin X tia hriat lar tawh zawk chu kum khat kaltaa Elon Musk-a’n a lei lai aiin tunah a zahve lawihin a hlutna a tlahniam tawh tia sawi a ni.
Tunah X hi a hlutna chu $ 10 billion vel share khat $ 45 zel anga chhut a ni a. Kum khat kaltaa Musk an a lei lai kha chuan $ 44 billion hu vel anga ngaih a ni.
Musk-an a thunun hnuah Twitter staff tam zawkte chu banin an awm a. Musk chuan a hming pawh X tiin a thlak zui bawk a, content rules a siam that avangin advertising revenue zahve vel lawih a hloh bawk.
X hi Musk-a’n a enkawl hnuah nasa takin sum lamah an tal buai a. Musk-a’n a lei lai khan Twitter hlutna chu $ 44 billion vel anga ngaih niin chungte chu a leiba leh equity te chhiar tel vek a ni thung.
Musk-a’n a lei hnuah company chuan a thutlukna mak tak tak avangin leiba $13 billion vel a nei zui a, advertiser ten kalsanin hei vang hian sales lamah 60% vel zetin a tlakhniam phah bawk a. Leiba kaihhnawihah interest payments $ 1.2 billion kum tin a pek a ngai niin Bloomberg chuan a sawi bawk.
Musk-a’n ruahmanna a siam chu X chu advertising lam kalsana paid subscription a dah a ni a. Mahse, tun thlengin company chuan a hmangtu 1% vel te chauh a premium service ah a la lalut thei chauh a, hemi hmanga a sum lak luh chu $ 120 million vel chauh a ni.
Hei bakah hian Musk chuan X chu ‘everything app’ ah chhuah tumin shopping leh payment te hmanga sum lakluh a tum bawk a. Company chuan audio leh video te pawh tun thla tir lam khan an kalpui tan bawk a. Musk chuan hnathawkte chu X chuan Google YouTube, Microsoft Corps LinkedIn leh Cisions te PR Newswire te chu elpui a tum a ni.
X-in a hlutna zahve vel lawih hloh
