Yak an ti a, keinin kan nei ve chiah lo, mahse, sial lam chi a ni, Yak pakhat, a hming Jericho an tih chuan ki sei lamah Guinness World Record a siam.
He Yak hi Welch, Minnesota, USA-a Melodee Smith leh Hugh Smith te ta a ni a, a ki sei zawng hi 346.4 cm (inches 136.4) a ni a, khawvela yak ki sei ber record a ni.
Jericho hi Melodee leh Hugh Smith te hian 2014 atangin an enkawl tan a, an thian pakhatin a pek a ni. Melodee leh Hugh te hi ran vulh a eizawng an ni a, yak pawh 45 vel an nei sa a, sakawr, vawk leh ran chi hrang hrang an vulh hnem hle a ni.
Melodee chuan Jericho hi an enkawl tan atangin a special riau tih a hre nghal a, “Jericho hi ran ka hriat zawng zawng a zaidam leh nunnem ber a la ni. A duhawm a ni tawp mai,” a ti a, a ki chu a danglam bik tih an hre nghal ni a sawiin, “Jericho hi kan hnenah a lo awm tan atangin a ki a danglam bik a. Yak ka hmuh tawhah a ki ang han el pha tur pawh ka la hmu lo. A ki hian a taksa a chhun nat loh nan tihdan te kan ngaihtuah pui zawk hial thin a ni,” a ti.
(THE AIZAWL POST – Phuah Pawlh)
Full>> ePaper Subscribe
