Kum 60 chhunga tui len nasat ber tawk mekin Yamuna lui chuan July 13, Nilaithawhtan zing khan harsatna a siam nasa hle a, Delhi khawpui panna lun lai ISBT leh Rajghat te telin motor kawng pawh a tibuai nasa hle a ni. Delhi Chief Minister Aevind Kejriwal chuan tui lenna hmuna school te chu khar rih turin thuchhuah a siam hial a ni. Police leh tlawmngai pawl te chuan Nilaini khan Yamuna lui kiang vela khawsa mihring 750 leh ran 250 lai te chu hmun him lamah an lo suan chhuak tawh a ni.
CM Arvind Kejriwal chuan tui in tur sawngbawlna hmun Wazirabad a tlawh nghal a mahse Yamuna lui lo len zel avanga Wazirabad hi khar a tul thu CM hi an lo hrilh a ni. Hemi avang hian Delhi hmun thenkhat ah chuan tui in tur pek theih a nih dawnloh thu CM chuan a sawi. Arvin Kejriwal chuan Yamuna tui lian hian a chim chin record sang ber thlengin 208.48 metres laia sang a chim tawh avangin motor kawngpui ah te a luang nasa em em a chuvangin mipuite chu tui lian in a lak mai loh nan kawngpui ah te kallo turin a chah hial a ni.
Yamuna lui lian zel vangin Delhi ah tui in tur tlachham
