Central YMA Mizoram sawrkar hnuaia enforcement staff tangho chuan Inrinni tlai khan Aizawl luhka hmun hnih – Hunthar Veng leh Selesih ah danloa sumdawnna leh dan phal loh thil phurte an endik a, dan phal loh thil chi hrang hrang manin inner line permit neilo an man bawk.
CYMA CEC bakah CYMA Kumpuan Committee member te, YMA Hunthar leh Selesih Branch member te bakah Mizoram Police, Excise & Narcotics leh Transport department hnuaia MVI ten lirthei kal vel endikin, ILP neiloa Mizoram lut mi 14, lirthei document fel lo 23, dan loa kalpui kuhva hring bag 57 leh kuhva ro bag 13 bakah zu (a senchi) um puitling 3 leh leh a chanve um 3 an man.
Heng mante hi thuneitute kuta hlan an ni a. Enforcement mi duty ten an chingfel nghal a ni.
Central YMA thuchhuah danin, endik hna hi a tul anga Mizoram pum huap pawha kalpui tum niin, hmalakna awm zel turah sawrkar thuneitute tawiawmna an ngen tih a sawi a ni.
YMA leh sawrkar miten dan phal loh thil dap
